ஒரு கதை திரைக்கதையாக உருமாறுவது என்பது ஒவ்வொரு படைப்பாளனுக்கும் ஒவ்வொரு வழிமாதிரிகளைக் கொண்டது, திரைக்கதை என்பது கதையின் சாராம்சத்தை உட்கொண்டிருக்க வேண்டும் என்கிற அவசியமில்லை, இங்கே மாதிரிக்கு ஒரு சிறுகதையும், குறும்படத்திற்கான திரைக்கதையும் அதன் வெவ்வேறு வடிவாக்க அசாத்தியங்களுடன் வாசகர்களின் ஆய்வுக்காக தரப்பட்டிருக்கிறது, மயில்வாகனன் மற்றும் சிறுகதைகள் மூன்றாவது அறை நண்பனின் காதல் கதை
அவன் இறந்துவிட்டதாகக் கூறிக்கொண்டு சொரெலென அந்த அறைக்குள் நுழைந்தவன் தான் மட்டும் அங்கு யாருமற்ற அறையில் நின்று இருப்பதைக் கண்டு திடுக்கிட்டுப் போனான், அடைக்கமாட்டாத தன் தவிப்பின் காரணமாக மீண்டுமொருமுறை பெரும் குரலெடுத்து அந்தமரணச் செய்தியை அறிவித்தவனுக்கு அதன்பிரதியுத்தமாக எவரது முகமேனும் அதிர்ச்சியுறுவதைக் காணுமாவல் மிக்க இருந்தது, இனி அற்ப நிமிடங்கள் மட்டுமே தன்னால் காரியம் ஆற்ற முடியுமென்பதால் கிடைத்த கால அவகாசமும் பதட்டமுமாய் அறைக்குள் அங்குமிங்குமாய் அலைந்து கொண்டிருந்தான்,
யாருமற்ற அந்த அறையில் அவன் நிகழ்த்தும் காரியங்கள் காரணமற்றதாகவும் ஒரு சிலருக்குப் பயமூட்டக்கூடியதாகவும் சிலருக்குப் பெரும் துயரத்தை உண்டுபண்ணக் கூடியதாகவுமிருக்கிறது, மிகவும் களைத்துப்போய் காற்றில் அலையும் தன் ஆடைகளையே பார்த்துக் கொண்டிருக்கும் அவன் தன் கட்டுப்பாட்டை மீறி வேறு எவற்றையோ உணர்த்தும் அதன் பீதியூட்டும் தன்மை குறித்து அதிர்ச்சியுற்றான், இழந்த ஒன்றை இனி ஒருபோதும் மீண்டும் பெறவியலாத ஆற்றமை அவனது மைய இருப்பை அரித்து அரித்து தின்று தீர்க்கின்றது, தாளமாட்டாத வலியின் காரணமாகத் தனக்குத்தானே பலம் கொண்ட மட்டும் நெஞ்சில் குத்திக்கொண்டவன் ஒரு கட்டத்தில் பெரும் குரலெடுத்துக் கதறத் துவங்கினேன், சப்தமற்ற அவனது கதறலொலி காற்றை கிழித்தூடுருவி அறையின் எல்லா ஜடப்பொருட்களையும் அசைத்துக் கீழேவிழத்தட்டுவதாயிருக்கிறது, யாருமற்ற அறையில் பொருட்கள் மட்டும் தடதடத்து விழுந்து கொண்டிருந்தது, வெளியே யாரோ இருவர் பேசிக்கொண்டு வரும் சப்தமும் தொடர்ந்தாற்போல் அந்த அறைக் கதவின் பூட்டை திறக்கும் ஓசையும் கேட்க அவன் சட்டென தன் அழுகையை நிறுத்திக் கொண்டான், தானிருப்பதை அவர்கள் பார்த்து விடுவார்களோ என்கிற காரணமற்ற பயத்துடன் அங்குமிங்குமாய் மறைவிடம் தேடி ஓரிரு நிமிடங்கள் அலைந்த பிறகுதான் தன் காரியத்திலிருக்கும் அபத்தத்தை உணர்ந்தவனாகத் தன்னைத்தானே நொந்துக் கொண்டு சமாதானமாகிப்போனான், இன்னும் அவர்கள் தகவல் அறியப்படாதவர் என்பதை பார்த்த மாத்திரத்திலேயே கண்டுகொண்டவன் அவர்களுக்கு அந்த தகவலைச் சொல்லிவிட பெரும் வியத்தம் மேற்கொண்டான், மீண்டும் இரண்டொரு பொருட்கள் திடும்மென கீழே விழுந்ததைத் தவிர அவனால் காரியம் வேறெதுவும் நிகழ்த்திவிட முடியவில்லை, அணிச்சையாகக் கீழே விழும் பொருட்களைப் பார்த்து நண்பர்கள் இருவரும் தங்களுடன் இன்னுமொருவனும் அந்த அறையில் இருப்பதை உணரவில்லை, தன் பிறந்த நாளான இன்று அவளிடம் எப்படியும் தன் காதலை ஒப்புக்கொடுக்கப் போவதாக தம்மிடம் சூளுரைத்து விட்டுப் போன நம் மூன்றாவது அறை நண்பன் குறித்து தகவலேதும் உண்டா என சட்டையை கழற்றி ஹேங்கரில் மாட்டிக் கொண்டிருந்தவன் மற்றவனிடம் கேட்டான், மற்றவனோ இவனது கேள்வியால் வெறுப்புற்றவன் போல சற்றொரு நிமிடம் எதுவும் பேசாமல் லுங்கியிலிருந்து உள்ளாடையை உருவிக்கொடியில் போட்டபடி நாற்காலியில் அமர்ந்திருந்தவனை நோக்கினான், பின் இன்று காலையில் தங்களது நண்பனை அவனது காதலியுடன் கல்லூரி வளாகத்தில் பின்புறம் தைலமரக் காடுகளுக்கிடையே நடந்து சென்றபோது பார்த்ததாகவும்.
இருவருக்குமிடையே இடைவெளி சற்று பார்க்கும்போது அவனது கையில் கடிதம் இருந்ததாகவும் அவளது கையில் ஒரு கத்தி இருந்ததாகவும் ஆனால் அது தன் பார்வைக்குப்படவில்லை என்றும் ஒருவேளை சேலைத் தலைப்புக்குள் அவள் மறைத்து வைத்திருப்பாள் என்பது தன் அனுமானம் என்றும் கூறினான், தான் கூற வந்தது நிஜக்கத்தியல்ல என்றும் அதனை இங்கே வேறுமாதிரியாக அர்த்தம் கொள்ள வேண்டும் என்றும் தன் நண்பனிடம் விண்ணப்பித்துக் கொண்டான், மேலும் அவன் வேறு சில சந்தர்ப்பங்களில் அப்பெண் தன்னிடமும் சில ரகசியப் புன்னகையைச் சமர்ப்பித்துள்ளதாகவும் அதனால் தாங்கள் நினைப்பதற்கோ எதிரான சாத்தியங்கள்தான் அவர்களிடம் அதிகம் இருப்பதாகவும் கூறினான், இதன் பொருட்டாகப் பாதிப்பிற்குள்ளாகப் போவது தங்களது நண்பன் மட்டுமே எனக் கூறியபடி அருகிலிருந்த பானையிலிருந்த நீரையெடுத்துப் பருகைக் கொண்டான், அதுவரை இவர்களது சம்பாஷ்னையைக் பருகிக் கொண்டிருந்த (மூன்றாவது அறை நண்பனான) இவனுக்குத் திடுக்கென்றிருந்தது, மற்ற எல்லாமும்கூட தன் சக அறைவாசிகளிடம் எதிர்பார்த்ததுதான் என்றாலும் தன்னை நோக்கி அவள் புன்னகைத்ததாகக் கூறியதைத்தான் அவனால் ஜீரணிக்க முடியவில்லை, ஒருவேளை அவள் நிஜத்தில் புன்னகைத்திருப்பாளோ என நினைத்து மறுநொடியில் தன் கன்னத்தை பளாரென தானே அறைந்து எண்ணத்தை மாற்றிக் கொண்டான், இரண்டுமுறை தலையை இடம்வலமாக அசைத்துக் கொண்டவன் தன் காதலின் உன்னதம் மாற்றிக் கொண்டான், கீழ்த்தரமான இத்தகைய மனிதர்களிடமிருந்து தப்பித்துச் செல்லத் தனக்கு வாய்ப்பு ஏற்படுத்திக் கொடுத்த தன் காதலியின் மறுதலிப்பு குறித்தும் தொடர்ந்த சம்பவங்கள் குறித்தும் சற்றே ஆசுவாசப்பட்டவன் மறுநொடியில் மீண்டும் தன் துயரத்தில் சிக்கி பரிதவித்தான், வேறு யாரிடமும் சொல்லி அழமாட்டாத தன் துயரத்தை அவள் முன்பாக மண்டியிட்டு கோர இன்னும் நெடு நாட்கள் காத்திருக்க வேண்டிய கால அவசியம் வேறு அவனது ஆற்றாமையை இன்னும் அதிகப்படுத்தியது, சட்டென செவிகளைக் கூர்மையாக்கி கேட்டவன் எங்கோ காற்றலைகளோடு தன்னை நோக்கி வரும் கொலுசுச் சத்தம் கேட்டு ஒரு நிமிடம் துணுக்குற்றான், மரணத்தை முன்னறிவிக்கும் பெரும் மணிச்சத்தமாகத் தன்னால் முன்கூட்டி உணரமுடியாது போன குறித்தகால இடைவெளியிலான அந்தக் கொலுசின் ஓசை மேலும் தன் அறையை நோக்கி நெருங்கி வர பதட்டமடைந்தான், தட்டும் ஓசை கேட்டு நண்பர்கள் திறந்த கதவின் எதிரே அவன் எதிரபார்த்தார்ப்போல் அவள், தன் விழி முன் பெரும் கடலென பொங்கிவிட்ட நீரினூடே மங்கலாகத் தெரிந்த அவள் தகவலறிந்து ஊர்ஜிதம் செய்து கொள்ளத்தான் வந்திருக்கிறாளோ என எண்ணிக் கொண்டான், கதவைத் திறந்து விக்கித்து நின்ற நண்பர்களிடம் ஏதும் பேசமாட்டாமல் தலைகுனிந்து நிற்கும் அவளது நிதானத்தில் இன்னும் அவளுக்குத் தகவலறிவிக்கப்படவில்லை என்பதை மட்டும் அப்போதைக்கு அவன் உணர்ந்து கொண்டான், தங்கள் மூன்றாவது அறை நண்பன் இன்னும் வரவில்லை என்றும் உள்ளே வந்து சற்றுநேரம் காத்திருக்கும் படியும் அவர்கள் பதட்டத்துடன் அழைப்பு விடுத்தனர், நாற்காலியில் அமராமல் கதவில் சாய்ந்து கொண்டவள் பெரும் தவறிழைத்துவிட்டவள் போலப் பதட்டத்துடன் பேசத் துவங்கினாள், இன்று காலையில் நாங்கள் இருவரும் தைலமரக் காடுகளினூடே நடந்து சென்றதை நீங்கள் அறிந்திருப்பீர்கள், உங்களில் ஒருவர் அந்த வழியாக கடந்து சென்றதையும் ஒரு மரத்தின் பின்னிருந்து எங்களைத் தொடர்ந்து கவனிக்க முற்படுவதையும் நானறிவேன், இப்படி பௌதீகச் சூட்சுமங்களை அறியவல்ல என் புலனுணர்வுகள் அபௌதீகமான உங்களின் மூன்றாவது அறை நண்பனின் மனதோட்டத்தைச் சற்று நிதானித்து அறிய மறுத்துவிட்டன, என் முன் மண்டியிட்ட தூய ஆன்மாவை அதன் கம்பீரமிழந்த தன்மை காரணமாகவே மறுத்தலிக்க வேண்டியதாகப் போனது, மாற்றாக நயமான வார்த்தைகளின் மூலம் உங்களின் மூன்றாவது அறை நண்பனுக்கு அதை உணர்த்தியிருக்க முடியும், ஆனால் கணப் பொழுதுகளில் சந்தர்ப்பம் சிறிதளவே கிட்டினாலும் தன் பரிகசத்தைக் கோலோச்சிவிடும் அகம்பாவமாந்து குறித்தும் பிற்பாடு மிகவும் வருத்தமுற்றேன், உதாசீனம் எத்தனை வலிய குற்றமென. என்னவென்றறிய முடியாத ஒரு வினோதச் சமிக்ஞை மூலம் இன்று சாயங்காலம் உணர்ந்து கொண்டேன், மேலும் இன்றுதான் உங்களது மூன்றாவது அறை நண்பனின் பிறந்தநாளென எனக்கு தோழியின் மூலமாகத் தெரிய வந்ததும் நீரூற்றைப் போல என்னுள் எழுந்த வினோத உணர்வு உடனே உங்களின் மூன்றாவது அறை நண்பனைப் பார்க்க இங்கே எனை துரத்தியுள்ளது, அவன் முன் நான் மண்டியிட்டாக வேண்டிய சந்தர்ப்பத்தை எனக்கு உருவாக்கித் தந்த அந்தவினோதச் சமிக்ஞைக்கு நான் நன்றி கூறுகிறேன், மூன்றாவது அறை நண்பன் எப்போது வருவான் என்பதைக் கூறி என் உணர்வுகளுக்கு தாங்கள் அனுமதியளிக்க வேண்டும், அவள் இதைச் சொல்லியதும் கணப்பிசகில் தான் எடுத்த அபத்த முடிவு குறித்து இவன் அதிர்ச்சியுற்றான், பெரும் ஆவேசத்துடன் பௌதீகமாய் ரூபம் கொண்டிருந்த அனைத்துப் பொருட்களிடமும் தனது ஆற்றாமையைத் தீர்த்துக்கொள்ள முயன்று தோற்றுப் போனான், அபத்தமாக முடிவுற்ற தன் காதலை எண்ணி வேதனை கொண்டவன்.
தனை யாரோ பழிவாங்கிவிட்டதாக தலையிலடித்துக் கதறினான், பின் சட்டெனத் திரும்பி அவளது காலடியில் காற்றிலாடும் அவளது ஆடையை தொட முயன்று தோற்றுப்போய் பின் சொரேலென அவ்வறையை விட்டு வெளியேறி மழை ஓய்ந்த இருளடர்ந்த வயல்வெளிகளில் ஒடியவனை மூன்று கருப்பு நாய்கள் குரைத்தபடித் துரத்திக் கொண்டோடின,
ராஸ்கல்
(A SHORT FILM ABOUT LOVE)
தன் காதல் மறுதலிக்கப்பட்ட காரணத்தினால் பிறந்த நாளன்று சாயந்திரமே ரயில் முன் விழுந்து தற்கொலை செய்து கொள்கிறான் இளைஞனொருவன், தான் இறந்த தகவலை தானே அறிவிக்கும் பொருட்டு தன் அறைக்கு ஓடிச் செல்கிறான், தொடர்ந்து அறையில் நடக்கும் சம்பவங்கள் திரைக்கதையாக வடிவம் பெற்றுள்ளன,
RASKAL
BLACK SCREEN
TITLE FADE OUT
*BREATHING EFFECT*
BANG *TRAIN HORN*
க்ளோசப்பில் வேகமாக ஓடும் ரயிலின் சக்கரம் CUT TO
விலகி செல்லும் ரயிலின் கார்டு பெட்டியை பார்த்தபடி கேமரா CUT TO
ரயில்வே டிராக்கில் ரத்தத் துளிகள், துளிகளை பாலோ செய்தபடி கேமரா ZIGZAG ஆக நகர்ந்து தண்டவாளத்தில் ஓடுவது CUT TO SHOT 2
LEG SHOT
C/S
BREATHING EFFECT ரயில்வே டிராக்கில் ரத்தம் வழியும் கால்கள் ஓடிக் கொண்டிருப்பது, இப்போது கால்கள் சூளைக்கல். வயல்வெளி. வாய்க்கால் என பல இடங்களில் ஓடுவது,
CUT TO LONG SHOT
இரண்டு பக்கமும் மரங்களடர்ந்த சாலையில் தூரத்தில் அவன் ஓடிவருவது, C/S அவன் முகம் OUT OF F0CUS –லிருந்து FOCUS ஆவது CUT
LEFT SHOT C/S
மழையில் நனைந்த செடி கொடிகள் காற்றில் வேகமாய் ஆடுவது கறுப்பு நாய் குறைப்பது CUT
L/S பாழடைந்த வீடு பூட்டி கிடக்கிறது, CUT வாசற்படியில் வந்து விழும் அவன் எழுந்து கையால் பூட்டிய கதவை குத்துகிறான், குத்தும் சத்தம் ரயில் தட தடத்து செல்லும் ஓசையோடு FUSE ஆவது ZOOM IN
DISSOLVE
ZOOM BACK
அவன் கை இப்போது ஒரு அறையின் சுவற்றை குத்திக் கொண்டிருக்கிறது, அவன் அழுகிறான், CUT TO
சீலிங் பேன் வேகமாக சுற்றுகிறது, காற்றில் ஆடும் ஜன்னல் திரைச்சீலை
அவனை தொட முயற்சிக்கிறது, சடென அழுகையை நிறுத்தியவன் more: http://thamizhstudio.com/shortfilm_guidance_script_2.php
|
